[size=21]كنت ماشي ف مرة ف الشارع فالقيت واحدة جميلة ماشية قدامي وماسكة جواب بتقراه وفكرت قولت ياتري هي بتقرا ايه نيتي طلعت وحشة وقالتلي ده جواب عاطفي وفجاة لقيتها رمت الجواب ومشيت....حب الاستطلاع خلاني اروح اجيب الجواب واعرف هو فيه ايه وهل انا فهمت غلط ولا صح لكن لقيت عنوان الجواب (الي حبيبتي الجميلة) وكان المكتوب كالاتي:
لو جه اليوم وقررتي تسبيني وتمشي بعيد.....او حبيتي حد تاني ادالك قلبه ومدلك الايد
اوعي تنسي كل لحظة حلوة قضتها معاكي...اوعي تنسي ان ف كل لحظة كنت بفكر فيكي وماشي وياكي
اوعي تنسي الاوقات اللي جتيلي فيها وانتي كئيبة وزعلانة.....وضحكتك وبسطتك ومشيتي من عندي فرحانة
اوعي تنسي انك ف ايام كنتي بتسبيني وتقسي عليا.....ورغم كده كان حبي بيزيد وببعتلك رسايل تفكرك بيا
اوعي تنسي لما كان قلبك وحش وبينقدوكي والناس مش قبلاكي....وحسيت بيكي ودخلت جوة قلبك وبقي كله بيحبك وبيتمناكي
اوعي تزعلي لما ضربتك وزعقتلك وماكنتش عاوز اردعليكي..ده انا بس كنت عاوزك تتقوي... اوعي تفتكري اني ناسيكي
فاكرة لما قررتي تعومي ف بحر غويط وماقولتليش....وكنتي بتقوليلي دايما انت الوحيد اللي عنك مابخابيش
فاكرة لما نزلتي عومتي واتحديتي ارادتك.....وغرقتي ولقتيني قصادك ونزلت نقذتك
واوعي تزعلي ساعة لما ماردتش عليكي لما قولتيلي انزل اعوم معاكي تاني....وقولتي عليا اني اتغيرت وبقيت انسان اناني
لا انا كنت جنبك بس انتي مش شايفاني.....ومدتلك ايدي عشان انقذك...لكن اعتمدتي علي قوتك واعدتي تصرخي وسيباني
وتالت مرة طلبتيني عشان هاتروحي تعومي ف بحر حياة او موت.....واعدتي تندهيلي من جوة بعلوالصوت....انا ماكنتش سايبك وماخلتش لحظة من عليكي تفوت
وكنت بشجعك وقلبي معاكي وواثق انك مش هاتموتي او تستسلمي.....لكن كنت سايبك المرة دي عشان تتقوي وللعوم تتعلمي
بلاش ده كله فاكرة لما كل يوم كنتي بتشوفي ف الشارع عصابة....واما ذهقتي من حياتك وقولتي انا عايشة ف غابة
فاكرة لما يوم اتجمع عليكي العصابة وانتي ماشية لوحدك باليل....وجيت انقذك انتي جريتي وانا اتضربت واتجرحت والدم دليل
فاكرة لما كنتي خايفة من الامتحان....وطمنتك وقلتلك انتي شجاعة ومفيش حد حبيبي جبان
انا مباحبش اتكلم عن نفسي او بحب المديح....وانتي عشتي معايا وشفتي اد ايه الضحك والتفاريح
ارجوكي ارجعيلي نعيش الحب من تاني.....بدل مانتي عايشة ف عذاب وسيباني
ارجعي وماتسبنيش حزين عليكي ونادم....ارجعي نعيش اعظم قصة حب ف العالم
انا مجهزلك امجاد كتير ومفاجات....وسعادة مش ف هدايا او رحلات
انا مستنيكي تجيلي ونعيش مبسوطين...وننسي العالم كله ونعيش فرحانين
ولو جه اليوم وقررتي انك تسبيني وتمشي بعيد....او حبيتي حد تاني ادالك قلبه ومدلك الايد
انا مش زعلان منك وروحي ملكك وفداكي....لانك بالنسبالي حمامة وديعة وملاكي
بس لو تعبتي وحزنتي مع غيري وقلبك مش مرتاح....اوعي تنسي كل لحظة سعيدة وكل ساعات افراح
انا مستنيكي ف اي وقت وبعد الساعات اللي عني غبتي....انا عمرك ماهنساكي انا بحبك ياحبيبتي
امضاء
حبيبك يسوع الي
النفس البشرية
صلوا من اجلي
[/size]
الجمعة أكتوبر 01, 2010 1:01 pm
